Li Xiong មេឆបោកតាមអនឡាញ​លំដាប់ទី២បន្ទាប់ពី Chen Zhi ត្រូវបាន​ចាប់​បញ្ជូនទៅប្រឈមមុខ​ច្បាប់​នៅ​ចិន

 

Li Xiong ត្រូវ​បានចាប់បញ្ជូន​ពី​កម្ពុជា​ទៅចិន​ នៅ​ថ្ងៃទី១ មករា​នេះ។ China Daily

កម្លាំងចម្រុះនៃនគរបាលកម្ពុជា និងនគរបាល​ចិន បានចាប់ខ្លួនជនជាតិ ចិនម្នាក់ឈ្មោះ Li Xiong ដែលរហូតមកដល់ពេលថ្មីៗនេះ​ក៏មានសញ្ជាតិខ្មែរផងដែរ។

ជន​ជាតិចិន​រូប​នេះ​ កាលពីកន្លងទៅ​គឺ​ជាម្ចាស់ម្នាក់នៃក្រុមហ៊ុន Huione Group ដែលបច្ចុប្បន្នត្រូវបានបញ្ឈប់ដំណើរការ​ដោយ​ធនាគារជាំតិ​ ហើយដែ លត្រូវបានចោទប្រកាន់ថាមានជាប់ពាក់ព័ន្ធនឹងការឆបោកតាមប្រព័ន្ធ អនឡាញ និងប្រតិបត្តិការលាងលុយកខ្វក់ក្នុងទ្រង់ទ្រាយធំ។

យោងតាមក្រសួងមហាផ្ទៃ លោក Li ត្រូវបានបណ្តេញចេញពីកម្ពុជានៅថ្ងៃទី ១ ខែមេសា បន្ទាប់ពីការដកសញ្ជាតិខ្មែររបស់គាត់ នៅថ្ងៃទី៣១ ខែមីនា ម្សិ លមិញ។

ការចាប់ខ្លួន និងការបណ្តេញចេញនេះ ត្រូវបានធ្វើឡើងក្នុងក្របខ័ណ្ឌនៃកិច្ច សហប្រតិបត្តិការដើម្បីប្រយុទ្ធប្រឆាំង និងបង្ក្រាបបទល្មើសឆបោកតាមបច្ចេកវិទ្យា និងផ្អែកតាមសំណើរបស់អាជ្ញាធរចិន។ នេះ​បើ​តាម​ក្រសួង​មហាផ្ទៃ។

ក្រសួងមហាផ្ទៃថ្លែង​នៅ​ក្នុង​សេចក្ដីប្រកាស​ព័ត៌មាន​ថា៖ «ប្រតិបត្តិការនេះត្រូវបានធ្វើឡើងបន្ទាប់ពីមានកិច្ចសហប្រតិបត្តិការស៊ើបអង្កេតរួមគ្នា រវាងអាជ្ញាធរនៃព្រះរាជាណាចក្រកម្ពុជា និងអាជ្ញាធរនៃសាធារណរដ្ឋប្រជាមានិតចិន ដែលបានអូសបន្លាយពេលអស់ជាច្រើនខែ។ សញ្ជាតិខ្មែររបស់លោក Li Xiong ត្រូវបានដកហូតតាមរយៈព្រះរាជក្រឹត្យកាលពីថ្ងៃទី៣១ ខែមីនា»។

លោក Li ត្រូវបានគេរាយការណ៍ថាជាសមាជិកសំខាន់ម្នាក់នៃក្រុមឧក្រិដ្ឋជនដែលដឹកនាំដោយស្ថាបនិកក្រុមហ៊ុន Prince Group គឺលោក Chen Zhi ដែលត្រូវបានចាប់ខ្លួន និងបណ្តេញចេញទៅប្រទេសចិនកាលពីខែមករា។

យោងតាមសារព័ត៌មាន China Daily លោក Li ត្រូវបានសង្ស័យថាបានដំណើរការកាស៊ីណូ ឆបោក ប្រតិបត្តិការអាជីវកម្មខុសច្បាប់ និងលាក់បាំងផលនៃ បទល្មើស ដោយក្នុងនោះ Chen Zhi គឺ​ជាប្រធានក្រុមល្បែងស៊ីសង និងឆបោ កឆ្លងដែន។

China Daily បានដកស្រង់សម្តីមន្ត្រីក្រសួងសន្តិសុខសាធារណៈរបស់ចិន ដែលបានលើកឡើងថា សមាជិកស្នូលមួយចំនួននៃក្រុមឧក្រិដ្ឋជនរបស់ Chen Zhi ត្រូវបានចាប់ខ្លួន ខណៈដែលនគរបាលកំពុង​បន្តតាមចាប់ខ្លួនជនរត់គេចខ្លួនដែលនៅសេសសល់បន្ត​ទៀត។

ក្រសួងសន្តិសុខសាធារណៈក៏បានចេញសេចក្តីជូនដំណឹងមួយ ដោយជំរុញឲ្យអ្នក​ដែល​កំពុង​គេចខ្លួនដែលមានជាប់​ពាក់ព័ន្ធនឹងក្រុមរបស់ Chen Zhi ចូលខ្លួនមកសារភាពទោសកំហុស៕

រញ្ជួយដីនៅមីយ៉ាន់ម៉ា៖ ស្លាប់ ១៤៤នាក់ របួសជាង ៧០០នាក់

(រ៉ង់ហ្គូន)៖ គ្រោះរញ្ជួយដីដ៏ខ្លាំងមួយកម្រិត ៧,៧ រ៉ិចទ័រ បានវាយប្រហារចំកណ្តាលប្រទេសមីយ៉ាន់ម៉ា កា លពីរសៀលថ្ងៃសុក្រ បណ្តាលឲ្យមនុស្សយ៉ាងតិច ១៤៤នាក់ស្លាប់ និង ៧៣២នាក់ផ្សេងទៀតរងរបួស នេះ បើយោងតាមការប្រកាសរបស់រដ្ឋាភិបាល ដែលទីភ្នាក់ងារសារព័ត៌មានស៊ីនហួរបានដកស្រង់ផ្សាយ។

ការិយាល័យអង្កេតភូគព្ភសាស្ត្រសហរដ្ឋអាមេរិក (USGS) បានបញ្ជាក់ថា ចំណុចរំញ័រ (ចំណុចកណ្តាល) ស្ថិ តនៅភាគពាយព្យក្រុងសេកាញ៉ាំង (Sagaing) ប្រហែល ១៦គីឡូម៉ែត្រ ដោយបានកើតឡើងនៅវេលាម៉ោ ងប្រមាណ ១២:៥០នាទីរសៀល (ម៉ោងក្នុងតំបន់)។ គ្រោះមហន្តរាយនេះបានបង្កការខូចខាតយ៉ាងធ្ង ន់ធ្ងរ ជាពិសេសនៅរដ្ឋធានីណៃពិដោ និងតំបន់សេកាញ៉ាំង ដោយមានអគារជាច្រើន រួមទាំងផ្ទះសម្បែ ង មន្ទីរពេទ្យ និងសាលារៀន បានដួលរលំ។ មានសេចក្តីរាយការណ៍គួរឲ្យព្រួយបារម្ភអំពីការដួលរលំសាលារៀនមួយចំនួន ដែលអាចមានសិស្សានុសិស្សជាប់នៅខាងក្រោម។

ប្រធានក្រុមប្រឹក្សារដ្ឋ លោកឧត្តមសេនីយ៍ Min Aung Hlaing បានបញ្ជាក់ពីតួលេខបឋមនៃអ្នកស្លាប់តាមតំបន់ រួមមាន ៩៦នាក់នៅណៃពិដោ, ១៨នាក់នៅសេកាញ៉ាំង និង ៣០នាក់នៅចោកសេ (Kyaukse)។ ចំណែកអ្នករងរបួស គឺ ៤៣២នាក់នៅណៃពិដោ និង ៣០០នាក់នៅសេកាញ៉ាំង។

ក្រុមអ្នកជួយសង្គ្រោះកំពុងប្រតិបត្តិការយ៉ាងសកម្ម ខណៈអាជ្ញាធរបានព្រមានថា តួលេខអ្នកស្លាប់ និងអ្នករងរបួសអាចនឹងបន្តកើនឡើងបន្ថែមទៀត ស្របពេលដែលការវាយតម្លៃផលប៉ះពាល់ពេញ លេញកំពុងបន្ត។ រំញ័រនៃគ្រោះរញ្ជួយដីនេះ ក៏ត្រូវបានទទួលអារម្មណ៍រហូតដល់ប្រទេសជិតខាង រួមទាំងប្រទេសថៃ ដែលមានរបាយការណ៍ខូចខាតអគារមួយចំនួននៅទីក្រុងបាងកកផងដែរ៕

លក្ខណៈពិសេស ១០យ៉ាងដែលនឹងមាននៅលើ iPhone 17 ឆ្នាំក្រោយ

 

(បរទេស)៖ ថ្មីៗនេះ មានពាក្យចចាមអារ៉ាមជាច្រើនអំពីត្រកូល iPhone 17 របស់ក្រុមហ៊ុនយក្ស Apple ដែលត្រៀមនឹងចេញលក់នៅឆ្នាំ២០២៥ ខាងមុខ ជាមួយនឹងរូបរាង មុខងារ នឹងការកែលម្អលក្ខណៈពិសេសជាច្រើនមិនធ្លាប់មិន ខណៈ iPhone 16 នៅឆ្នាំនេះហាក់មិនទទួលបានដំណឹងអ្វីពិសេសនោះទេ។ នេះបើយោងតាមការចេញផ្សាយដោយ MacRumors។

មកដឹងពីលក្ខណៈពិសេសនៅលើ iPhone 17 ដែលរំពឹងថា នឹងចេញនៅខែកញ្ញា ឆ្នាំ២០២៥ ដែលអ្នកប្រើប្រាស់អាចពិចារណា ថាតើគូរតែសម្រេចចិត្តទិញ iPhone 16 ឆ្នាំនេះ ឬគួរតែរង់ចាំដល់ឆ្នាំក្រោយ? ខាងក្រោមនេះ ជាលក្ខណៈពិសេសទាំង ១០ដែលគេរំពឹងថានឹងមកដល់ក្នុងត្រកូល iPhone 17៖

1. Face ID បង្កប់ក្រោមអេក្រង់ (Under-Display Face ID) iPhone 17 Pro និង iPhone 17 Pro Max ត្រូវបានគេរំពឹងថា នឹងក្លាយជា iPhone ដំបូងគេដែលបំពាក់បច្ចេកវិទ្យា Face ID នៅក្រោមអេក្រង់។ តាមរយៈការចង្អុលបង្ហាញនៃបច្ចេកវិទ្យា Face ID ក្រោមអេក្រង់នេះ ទំនងជា Apple កាត់បន្ថយទំហំ Dynamic Island និងកាត់ត្រឹមតែជារង្វង់សម្រាប់ដាក់កាមេរ៉ាខាងមុខតែប៉ុណ្ណោះ។ នេះប្រហែលជាម៉ូដែលទំនើបចុងក្រោយរបស់ Apple ដែលរួមបញ្ចូលការកាត់រង្វង់សម្រាប់កាមេរ៉ា ដោយឡែករហូតដល់ឆ្នាំ២០២៧ ត្រូវបានគេរំពឹងថា ម៉ូដែល «Pro និង Pro Max» នឹងចេញមកជាមួយអេក្រង់លាត ខណៈកាមេរ៉ា ក៏ត្រូវបានរុញទៅក្នុងអេក្រង់ផងដែរ។

2. ទំហំអេក្រង់ សម្រាប់ iPhone 16 Pro និង iPhone 16 Pro Max នៅឆ្នាំនេះ មានពាក្យចចាមអារ៉ាមថា នឹងទទួលបានអេក្រង់ធំជាងមុន ចាប់ពីទំហំ ៦.១២អ៊ីញ និង ៦.៦៩អ៊ីញ ទៅ ៦.២៧អ៊ីញ និង ៦.៨៦អ៊ីញរៀងគ្នា។ ដោយឡែកចំពោះ iPhone 17 វិញត្រូវបានគេរំពឹងថា Apple នឹងនាំយកអេក្រង់ទំហំ ៦.២៧អ៊ីញទៅ iPhone 17 ធម្មតា ខណៈដែលម៉ូដែល iPhone 17 Plus នឹងត្រូវបានកែប្រែបំពាក់អេក្រង់ថ្មីទាំងស្រុង។ តែចំពោះ iPhone 17 Pro និង Pro Max មិនត្រូវបានបង្ហាញនោះទេ។

3. កម្រិត refresh-rate ក្រុមហ៊ុន Apple គ្រោងនឹងពង្រីកបច្ចេកវិទ្យា ProMotion ទៅកាន់ម៉ូដែល iPhone ស្តង់ដារ (iPhone 17 និង iPhone 17 Plus) របស់ខ្លួននៅឆ្នាំ ២០២៥ ដែលអនុញ្ញាតឱ្យម៉ូដែលទាំងពីរនេះ ដំណើរការក្នុងកម្រិត refresh rate ខ្ពស់រហូតដល់ទៅ 120Hz សម្រាប់ការរំកិល (scroll) និងទស្សនាវីដេអូកាន់តែច្បាស់ជាងមុន។ លើសពីនេះ បច្ចេកវិទ្យានេះនឹងអនុញ្ញាតឱ្យ iPhone 17 និង iPhone 17 Plus បង្កើនពន្លឺ ឬភាពច្បាស់ជាងមុនបានដល់ទៅ 1Hz និងអាចបើកបង្ហាញ ម៉ោងរោទិ៍ ផ្ទាំងរូបភាព និង ការជូនដំណឹងផ្សេងៗបើទោះជាអេក្រង់កំពុងជាប់សោក៏ដោយ។

4. បន្ទះឈីប ម៉ូដែល Premium (iPhone 17 Pro/ Pro Max) របស់ Apple ត្រូវបានគេរំពឹងថា នឹងបំពាក់ដោយបន្ទះឈីប Wi-Fi 7 ដែលរចនាឡើងដោយ Apple ជាលើកដំបូង។ ការគាំទ្រ Wi-Fi 7 នេះនឹងធ្វើឱ្យធ្វើការផ្ញើ និងទទួលទិន្នន័យបានរហ័សជាងមុនទ្វេដង មិនត្រឹមតែប៉ុណ្ណោះ ក៏នឹងអនុញ្ញាតឱ្យ Apple កាត់បន្ថយការពឹងផ្អែកលើអ្នកផ្គត់ផ្គង់ខាងក្រៅដូចជា Broadcom ដែលបច្ចុប្បន្នផ្គត់ផ្គង់ Apple ជាមួយនឹងបន្ទះឈីប Wi-Fi និង Bluetooth រួមបញ្ចូលគ្នាផងដែរ។ ដោយឡែកចំពោះ iPhone 17 និង 17 Plus មិនទទួលបានការផ្លាស់ប្តូរនោះទេ។

5. កាមេរ៉ាក្រោយ ការកែប្រែនេះ នឹងមានសម្រាប់តែ iPhone 17 Pro Max តែមួយប៉ុណ្ណោះ ដែលទទួលបានការដំឡើងកាមេរ៉ាខាងក្រោយដល់ទៅទំហំ ៤៨មេហ្គាភិចស៊ែទាំងអស់។ ពោលគឺ កាមេរ៉ាគោលមានទំហំ ៤៨មេហ្គាភិចស៊ែ, ៤៨មេហ្គាភិចស៊ែ ultra wide និង ៤៨មេហ្គាភិចស៊ែ telephoto lenses។ ខណៈ iPhone 15 ប្ចុច្បន្នមានកាមេរ៉ាគោលទំហ ៤៨មេហ្គាភិចស៊ែ ១២មេហ្គាភិចស៊ែ ultra wide និង ១២មេហ្គាភិចស៊ែ telephoto lenses។

6. កាមេរ៉ាមុខ យោងតាមពាក្យចចាមអារ៉ាមមួយបានឱ្យដឹងថា ត្រកូល iPhone 17 ទាំង ៤ម៉ូដែល នឹងបំពាក់ដោយកាមេរ៉ាមុខទំហំ ២៤មេហ្គាភិចស៊ែ រួមជាមួយ lens ៦ស្រទាប់។ ខណៈដែលត្រកូល iPhone 14 និង iPhone 15 មានកាមេរ៉ាមុខទំហំ ១២មេហ្គាភិចស៊ែ និងមានត្រឹមតែ lens ៥ស្រទាប់ ហើយត្រកូល iPhone 16 នៅឆ្នាំនេះ ត្រូវបានគេរំពឹងថា នឹងមានដូចទៅនឹងម៉ូដែលមុនៗ។

7. អេក្រង់ ធន់ជាងមុន សម្រាប់ iPhone 17 ទាំង ៤ម៉ូដែលត្រូវបានគេឱ្យដឹងថា នឹងបំពាក់ដោយអេក្រង់ដែលធន់ជាងមុន ឬភាសាអង់គ្លេសហៅ ថា anti-reflective display ដែលវាមានសមត្ថភាពធន់នឹងការឆ្កូតជាង បើធៀបនឹងកញ្ចក់ Ceramic Shield ដែលមាននៅលើម៉ូដែល iPhone 15 Pro Max បច្ចុប្បន្ន។ តាមពាក្យចចាមអារ៉ាមបានអះអាងថា កញ្ចក់ខាងក្រៅនៅលើ iPhone 17 មានស្រទាប់ការពារក្រាស់ជាងមុន « super-hard anti-reflective layer» និងធន់នឹងការឆ្កូតជាងមុន «more scratch-resistant»។ តែយ៉ាងណាវានៅមិនទាន់ច្បាស់នៅឡើយទេថាតើ Apple នឹងយក Gorilla Glass Armor ដែល Samsung ប្រើនៅក្នុង Galaxy S24 Ultra ឬអត់ ប៉ុន្តែបើតាមការពិពណ៌នារបស់ Corning ក្រុមហ៊ុន Apple ហាក់បីជាកំពុងពិចារណាលើវា។

8.

RDN News, [13/05/2024 15:33]

ទំហំផ្ទុក

លោក Jeff Pu នៃក្រុមហ៊ុនវិនិយោគ Haitong បាននិយាយថា ម៉ូដែល Pro និង Pro Max របស់ Apple នៅឆ្នាំក្រោយនឹងមកជាមួយ RAM ទំហំ ១២ជីហ្គាបៃ។ សម្រាប់ការប្រៀបធៀបម៉ូដែល iPhone 15 Pro មាន RAM ៨ជីហ្គាបៃ ខណៈពេលដែលម៉ូដែល iPhone 16 Pro ត្រូវបានគេរំពឹងថានឹងមាន RAM ៨ជីហ្គាបៃផងដែរ។ ការបង្កើនទំហំផ្ទុក RAM ច្រើនបែបនេះនៅលើ iPhone 17 Pro/ Pro Max ទំនងជាគោលបំណងដ៏ធំរបស់ Apple គឹសម្រាប់គាំទ្រទៅនឹងបញ្ញាសិប្បនិម្មិត AI ខណៈពេលបច្ចុប្បន្ន Apple កំពុងដុតដៃដុតជើងលើផ្នែកនេះ។

9. ទំហំ Dynamic Island

លោក Jeff Pu បានឱ្យដឹងនៅដើមសប្តាហ៍នេះថា iPhone 17 Pro Max នឹងត្រូវបានបង្រួមទំហំ Dynamic Island តូចជាងមុន ទាំងនេះក៏ដោយសារតែ Apple កំពុងតែសម្លឹងមើលបច្ចេកវិទ្យានឹងនាំយកមុខងារ Face ID បង្កប់នៅក្នុងអេក្រង់។ ផ្នែកនេះ ត្រូវបានគេសន្មតថា ជាលើកទី១ ហើយដែល Apple សម្រេចផ្លាស់ប្តូរទំហំ Dynamic Island ចាប់តាំងពីវាបានបង្ហាញខ្លួននៅលើ iPhone 14 Pro ក្នុងឆ្នាំ២០២២។

10. iPhone 17 «Slim»

យោងតាមរបាយការណ៍ពីលោក Jeff Pu ដដែលបានឱ្យដឹងទៀតថា សម្រាប់ iPhone ឆ្នាំ២០២៥ នឹងមិនមានវត្តមាន iPhone 17 Plus នោះទេ ដោយ Apple នឹងលុបឈ្មោះម៉ូដែលនេះចោល ដោយប្តូរទៅប្រើឈ្មោះ «Slim» ជំនួសវិញ ពោលគឺ iPhone 17 Slim។ ខណៈដែល អេក្រង់នឹងតួខ្លួនក៏ត្រូវបានគេរំពឹងថា នឹងកែប្រែផងដែរ។

គួរជម្រាបថា ខាងលើនេះគឺជា លក្ខណៈពិសេសដែលនឹងមាននៅលើ iPhone 17 ឆ្នាំក្រោយ ដូច្នេះតើប្រិយមិត្តយល់យ៉ាងណាដែរ គួរតែរង់ចាំដល់ iPhone 17 ចេញលក់ជាផ្លូវការ ឬ នៅតែបន្តទិញ iPhone 16 ឆ្នាំនេះ ខណៈរបាយការណ៍ជាច្រើនមិនបានបង្ហាញពីការផ្លាស់ប្តូរ និងមុខងារ AI ដែលអាចនឹងមកដល់ក្នុងឆ្នាំនេះនោះទេ៕  ប្រភព freshness

ក្រុមអ្នកស្រាវជ្រាវបានរកឃើញដានជើងសត្វដាយណូស័រមានអាយុកាល ១១៣ លានឆ្នាំមុន

សួនសត្វដាយណូស័រមានអាយុកាលប្រហែលជា 113 លានឆ្នាំមុនត្រូវបានរកឃើញនៅឧទ្យាន Dinosaur Valley State ក្នុងរដ្ឋតិចសាស់ ដោយសារស្ថានភាពគ្រោះរាំងស្ងួតធ្ងន់ធ្ងរ ដែលធ្វើឱ្យទឹកទន្លេមួយរីងស្ងួត។ នេះបើតាមមន្ត្រីឧទ្យានុរក្សបាននិយា យនៅក្នុងសេចក្តីថ្លែងការណ៍មួយ នៅថ្ងៃច័ន្ទនេះ។ 

ផ្លូវភាគច្រើនដែលទើបនឹងត្រូវបានរកឃើញ និងរកឃើញនៅផ្នែកផ្សេងៗនៃទន្លេក្នុងឧទ្យាននេះជាកម្មសិទ្ធិរបស់ Acroca nthos aurus ។ នេះគឺជាដាយណូស័រដែលឈរពេញវ័យ កម្ពស់ប្រហែ ល 15 ហ្វីត និងមានទម្ងន់ជិត 7 តោន"។ អ្នកនាំពាក្យ Stepha  nie Salinas Garcia បានប្រាប់ CNN តាមអ៊ីមែល។

លោក Garcia បានបន្ថែមថា ប្រភេទសត្វផ្សេងទៀតដែលបានបន្សល់ទុកនៅឧទ្យានក្នុងទីក្រុង Glen Rose រដ្ឋតិចសាស់ គឺ Sauroposeidon ដែលនឹងមានកម្ពស់ប្រហែល 60 ហ្វីត និង ទម្ងន់ប្រហែល 44 តោន។

គ្រោះរាំងស្ងួតលើសលប់ក្នុងរដូវក្តៅនេះបានធ្វើឱ្យទន្លេក្នុងឧទ្យានស្ងួតទាំងស្រុងនៅគ្រប់កន្លែង ដោយបង្ហាញផ្លូវ អាថ៌កំបាំងដែលលាក់ទុកយូរបំផុត ត្រូវបានលាតត្រដាង នៅពេលដែលទឹកបានរីងស្ងួតដោយសារលក្ខខណ្ឌគ្រោះរាំងស្ងួតនៅទូទាំងពិភពលោក។

ជាង 60% នៃរដ្ឋតិចសាស់កំពុងជួបប្រទះគ្រោះរាំងស្ងួតកាលពីសប្តាហ៍មុននៅក្នុងប្រភេទពីរនៃប្រភេទធ្ងន់ធ្ងរបំផុត។នេះបើយោងតាមអ្នកឃ្លាំមើលគ្រោះរាំងស្ងួតរបស់សហរដ្ឋអាមេរិក។ កាលពីពេលថ្មីៗនេះ រដ្ឋក៏បានជួបប្រទះនូវរលកកំដៅដែលរុញសីតុណ្ ហភាពចូលទៅក្នុងខ្ទង់បី ដែលធ្វើឲ្យមនុស្សរាប់លាននាក់ស្ថិតនៅក្រោមការជូនដំណឹងអំពីកំដៅខ្លាំងពេក។

វិបត្តិអាកាសធាតុដែលបង្កឡើងដោយមនុស្សក៏បានបង្កើនសក្តានុ ពលសម្រាប់ការផ្លាស់ប្តូរយ៉ាងខ្លាំងជាញឹកញាប់នៅក្នុងរយៈពេលនៃភាពរាំងស្ងួត និងភ្លៀងធ្លាក់ខ្លាំង ដូចជាទឹកជំនន់ភ្លាមៗនៅសប្តា ហ៍នេះនៅក្នុងតំបន់ Dallas ។

Garcia បានពន្យល់ថា នៅក្រោមលក្ខខណ្ឌអាកាសធាតុធម្មតា ដានដាយណូស័រដែលរកឃើញនៅបាតទន្លេគឺនៅក្រោមទឹក ហើ យពោរពេញទៅដោយដីល្បាប់ ដែលធ្វើឲ្យពួកគេមើលមិនឃើញ។ ការអាចស្វែងរករបកគំហើញទាំងនេះ និងបទពិសោធន៍ផ្លូវដា យ ណូស័រថ្មីៗ តែងតែជាពេលវេលាដ៏រំភើបនៅឧទ្យាន។

Garcia បាននិយាយថា "ខណៈពេលដែលផ្លូវដាយណូស័រថ្មីជា ងនេះត្រូវបានគេមើលឃើញក្នុងរយៈពេលខ្លីមួយ វានាំមកនូវភាពអស្ចារ្យ និងរំភើបចំពោះការស្វែងរកផ្លូវដាយណូស័រថ្មីនៅឧទ្យាន" ។ "ឧទ្យានរដ្ឋជ្រលងដាយណូស័រនឹងបន្តការពារផ្លូវដែលមានអា យុកាល 113 លានឆ្នាំទាំងនេះ មិនត្រឹមតែសម្រាប់បច្ចុប្បន្នប៉ុ ណ្ណោះទេ ប៉ុន្តែសម្រាប់មនុស្សជំនាន់ក្រោយៗទៀត"។

ផ្លូវដាយណូស័រគ្រាន់តែជាការរកឃើញចុងក្រោយបំផុត ដោយក ម្រិតទឹកធ្លាក់ចុះដោយសារតែគ្រោះរាំងស្ងួតទាំងនៅសហរ ដ្ឋអា មេរិក និងនៅបរទេស។ហើយសាកសពមនុស្សមួយចំនួនក៏ត្រូវបានរកឃើញនៅ Lake Mead ក្នុងរដ្ឋ Utah ក្នុងរយៈពេលប៉ុន្មានខែថ្មីៗនេះ ខណៈដែលអាងស្តុកទឹកបានធ្លាក់ចុះប្រហែល 27% ៕

ប្រភព៖CNN

Google នឹងលុបចោលរាល់កម្មវិធី Call Record ទាំងអស់នៅក្នុង Play Store ចាប់ពីខែក្រោយទៅ...

(បរទេស)៖ ដើម្បីធានាបាននូវភាពឯកជន និងសុវត្ថិភាពប្រសើរឡើងនៅលើប្រព័ន្ធប្រតិបត្តិការ Android ក្រុមហ៊ុន Google បានដាក់ចេញវិធានការតឹងរឹងមួយចំនួនដើម្បីការពារកម្មវិធីពីការផ្តល់ជូនមុខងារ Call Record ទៅកាន់អ្នកប្រើប្រាស់ទាំងអស់។

នេះបើយោងតាមការចេញផ្សាយរបស់សារព័ត៌មាន GSMAr ena នៅថ្ងៃទី២៣ ខែមេសា ឆ្នាំ២០២២។

ថ្មីៗនេះ Google បានធ្វើការផ្លាស់ប្តូរមួយចំនួនចំពោះគោលការ ណ៍ Play Store របស់ខ្លួនដែលនឹងចូលជាធរមានចាប់ពីថ្ងៃទី ១១ ខែឧសភា ឆ្នាំ២០២២ខាងមុខនេះ។ ហើយការផ្លាស់ប្តូរមួយក្នុងចំណោមការផ្លាស់ប្តូរទាំងនោះមានគោលបំណងបិទដំណើរការកម្មវិធី Call Record នៅលើ Andriod ខណៈដែល Devel oper ទាំងអស់នឹងមិនត្រូវបានអនុញ្ញាតដាក់ឱ្យប្រើប្រាស់ Acc essibility API សម្រាប់ Call Record នៅលើ Play Store នោះទេ។

កន្លងមកនៅក្នុង Android 10 ក្រុមហ៊ុន Google ធ្លាប់បានរារាំងមុខងារ Call Record នេះរួចទៅហើយ។ ដូច្នេះដើម្បី ជៀស ផុតពីការរឹតបន្តឹងនៅក្នុងកម្មវិធី Play Store ក៏បានងាកទៅចាប់ផ្តើមប្រើប្រាស់ Accessibility API របស់ Developer ជំនួ សវិញដើម្បីអាច Record ការហៅទូរស័ព្ទបាន។ ប៉ុន្តែកម្មវិធីនេះក៏មិនបានដំណើរការបានយូរប៉ុន្មាននោះដែរ បន្ទាប់ពី Google បានអនុវត្តការផ្លាស់ប្តូរច្បាប់ថ្មីនៅខែក្រោយនេះ។

គួរជម្រាបដែរថា គោលការណ៍របស់ Google ត្រូវបានកំណត់ចំពោះតែកម្មវិធី Call Record ដែល Developer ដាក់ឱ្យដំណើរការនៅក្នុង Play Store ប៉ុណ្ណោះ។ ចំពោះមុខងារ Call Record លំនាំដើមនៅលើទូរស័ព្ទដូចជា Google Pixels ឬ Xiaomi ដែលមាន Mi Dialer នឹងមិនរងផលប៉ះពាល់នោះទេ៕

កូរ៉េខាងត្បូងបា.ញ់ព្រមា.នលើកប៉ាល់កូរ៉េខាងជើង ដែលឆ្លងបន្ទាត់ព្រំដែន

សេអ៊ូល៖ យោធាកូរ៉េខាងត្បូងបានបា.ញ់ព្រមា.ន ទៅលើទូកល្បា តរបស់កូរ៉េខាងជើង ដែលឆ្លងកាត់ព្រំដែនសមុទ្ររវាងប្រទេសទាំងពីរ។ ការប៉ះទង្គិចគ្នានេះ បានកើតឡើងនៅពេលដែលអាជ្ញាធរកូរ៉េខាងត្បូងបានឃាត់ខ្លួនកប៉ាល់កូរ៉េខាងជើងមួយផ្សេងទៀត ដែលបានឆ្លងកាត់ព្រំដែនផងដែរ ដែលហៅថា Northern Limit Line (NLL) នេះបើយោងតាមសេចក្តីថ្លែងការណ៍របស់អគ្គសេនាធិការរួមរបស់ប្រទេសកូរ៉េខាងត្បូង។ 

សេចក្តីថ្លែងការណ៍បានបន្ថែមទៀតថា ទូកល្បាតរបស់កូរ៉េខាងជើង ដែលកំពុងតាមរកនាវាទីមួយនោះ បានដកថយវិញ បន្ទាប់ពីយោធាកូរ៉េខាងត្បូងបានបា.ញ់ព្រមា.ន។ យោធាកូរ៉េខាងត្បូងបានឃាត់កប៉ាល់មួយទៀត ហើយនាំវាទៅក្បែរកោះ Baekryeong។ ទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូងបានរាយការ ណ៍ថា សមាជិកនាវិកចំនួនប្រាំមួយនាក់ក្នុងចំណោមនាវិក 7 នាក់បានពាក់ឯកសណ្ឋានយោធា។

អ្នកនាំពាក្យយោធាកូរ៉េខាងត្បូងបានប្រាប់ VOA ថា ក្រុងសេអ៊ូលកំពុងតែស៊ើបអង្កេតអំពីលក្ខណៈនៃទូកដែលត្រូវបានឃាត់ខ្លួននោះ។ ការប៉ះទង្គិចតូចៗម្តងម្កាលបានផ្ទុះឡើងតាមបណ្តោយព្ រំដែនអន្តរកូរ៉េ។ ប៉ុន្តែវាគឺជាលើកទីមួយហើយ ដែលនាវាយោធាកូរ៉េខាងជើងបានឆ្លងកាត់ខ្សែបន្ទាត់ព្រំដែន ចាប់តាំងពីប្រទេសទាំងពីរបានចុះហត្ថលេខាលើកិច្ចព្រមព្រៀងយោធាឆ្នាំ 2018 ដែលមានបំណងកាត់បន្ថយភាពតានតឹង ។ នេះបើយោងតាមលោក Chun In-bum ឧត្តមសេនីយ៍ឯកកូរ៉េខាងត្បូងចូលនិវត្តន៍។ 

លោក Chun បានប្រាប់ VOA ថា៖ «វាជាស្ថានភាព ដែលប៉ះពាល់ និងទៅទីនោះ»។ ឧប្បត្តិហេតុនេះកើតឡើងមួយថ្ងៃមុនពេលប្រជាជនកូរ៉េខាងត្បូងធ្វើដំណើរទៅបោះឆ្នោតជ្រើសរើសអ្នកស្នងតំណែងប្រធានាធិបតី Moon Jae-in ដែលបានបន្តទំនាក់ទំនងកាន់តែប្រសើរឡើងជាមួយទីក្រុងព្យុងយ៉ាង។ បេក្ខភាពបក្សកាន់អំណាច លោក Lee Jae-myung បានសន្យាថា នឹងបន្តការផ្សព្វផ្សាយរបស់លោក Moon ទៅកាន់ភាគខាងជើង ខណៈដែល Yoon Seok-youl ដែលជាគូប្រជែងអភិរក្សនិយមរបស់គាត់ ប្តេជ្ញានូវវិធីសាស្រ្តប្រឆាំងបន្ថែមទៀត។

កន្លងមក កូរ៉េខាងជើងតែងតែព្យាយាមបង្កើនភាពតានតឹងមុនការបោះឆ្នោតកូរ៉េខាងត្បូង។ ប៉ុន្តែ លោក Chun បាននិយាយថា ពេលវេលានៃការប៉ះទង្គិចព្រំដែនសមុទ្រចុងក្រោយនេះ ទំនងជាចៃដន្យ។

ចាប់តាំងពីឆ្នាំ 2019 មក ប្រទេសកូរ៉េខាងជើងបានច្រានចោលការផ្តល់ជូនរបស់កូរ៉េខាងត្បូងដើម្បីកែលម្អទំនាក់ទំនង។ ផ្ទុយទៅវិញ កូរ៉េខាងជើងបានបង្កើនការសាកល្បងមីស៊ីល។ ក្នុងឆ្នាំនេះ កូរ៉េខាងជើងបានបាញ់កាំជ្រួចចំនួន 13 គ្រាប់ នៅអំឡុងពេលនៃការបាញ់ចំនួន 9 ជុំ។

កូរ៉េខាងជើងបាននិយាយថា ការសាកល្បងកាំជ្រួចពីរលើកចុងក្រោយរបស់ខ្លួន គឺកំពុងរៀបចំសម្រាប់ការបាញ់បង្ហោះផ្កាយ រណបឈ្លបយកការណ៍ ដែលជាទង្វើមួយដែលអាចបង្កើនភាពតានតឹងយ៉ាងខ្លាំង។

កូរ៉េខាងជើងបានទទូចថា ការបាញ់បង្ហោះផ្កាយរណបរបស់ខ្លួនមានសន្តិភាព ប៉ុន្តែសហរដ្ឋអាមេរិក ជប៉ុន និងកូរ៉េខាងត្បូងមើលឃើញថាការបាញ់សាកល្បងកាំជ្រួចរយៈចម្ងាយឆ្ងាយក្លែងក្លាយ។ ទីក្រុងព្យុងយ៉ាងបានបាញ់បង្ហោះផ្កាយរណបចុងក្រោយនៅឆ្នាំ 2016 ៕

ប្រជាជនអ៊ុយក្រែន នាំគ្នាសម្រុកចេញពីរដ្ឋធានីកៀវ ខណៈបារម្ភពីសង្រ្គាមទ្រង់ទ្រាយធំ

កៀវ)៖ ប្រជាជនអ៊ុយក្រែន នៅក្នុងរដ្ឋធានីកៀវ បាននាំគ្នាសម្រុកចេញពី រដ្ឋធានីមួយនេះ ដោយបង្កឱ្យមានការកកស្ទះចរាចរណ៍យ៉ាងខ្លាំង ចំពោះ ការភ័យខ្លាចពីការផ្ទុះសង្រ្គាមទ្រង់ទ្រាយធំ បន្ទា ប់ពីរុស្ស៊ី ចាប់ផ្ដើម ការវាយលុកចូលអ៊ុយក្រែន។ នេះបើតាមការចេញផ្សាយដោយសារព័ត៌មាន BBC នៅថ្ងៃព្រហស្បតិ៍ ទី២៤ ខែកុម្ភៈ ឆ្នាំ២០២២។

មនុស្សម្នាជាច្រើនបាននាំគ្នាចាកចេញពីរដ្ឋធានីកៀវ ដោយខ្លះជិះ រថយន្ដផ្ទាល់ខ្លួន និងខ្លះទៀតប្រញាប់ប្រញាលធ្វើដំណើរ ទៅកាន់ស្ថានីយរថភ្លើង ក្រោមដី និងរថយន្ដក្រុង៕

នាវាចម្បាំងបំពាក់មីស៊ីលរបស់អាមេរិក ចល័តឆ្លងកាត់ច្រកសមុទ្រតៃវ៉ាន់ ជាថ្មីម្តងទៀតហើយ

(តៃប៉ិ)៖ នាវាចម្បាំងអាមេរិកនៅថ្ងៃអង្គារនេះ ត្រូវបានគេរាយការណ៍ថា បានចល័តឆ្លងកាត់ច្រកសមុទ្រតៃវ៉ាន់ (Taiwan Strait) ជាថ្មីម្តងទៀត ខណៈសកម្មភាពបែបនេះ តែងតែត្រូវបានទីក្រុងប៉េកាំងថ្កោលទោស និងចាត់ទុកថា ជាការបង្កើនភាពតានតឹងក្នុងតំបន់ទាំងមូល។ នេះបើតាមការចេញផ្សាយដោយ ទីភ្នាក់ងារសារព័ត៌មាន AFP នាព្រឹកថ្ងៃអង្គារ ទី២៣ ខែវិច្ឆិកា ឆ្នាំ២០២១។ នាវាចម្បាំង-កម្ទេចមីស៊ីលរបស់សហរដ្ឋអាមេរិកមួយគ្រឿង ដែលស្ថិតក្នុងលំដាប់ថ្នាក់ អាលីច ប៊ឺក (Arleigh Burke) ឈ្មោះ ម៉ៃលៀស (Milius) ត្រូវបានបញ្ជាឲ្យចល័តក្នុងដែនទឹកអន្តរជាតិ ឆ្លងកាត់តាមច្រកសមុទ្រតៃវ៉ាន់ ខណៈសហរដ្ឋអាមេរិកតែងតែអះអាងថា ទង្វើរបស់ខ្លួនបែបនេះ គឺស្របតាមច្បាប់អន្តរជាតិ។ កងទ័ពជើងទឹកសហរដ្ឋអាមេរិក បានគូសបញ្ជាក់យ៉ាងដូច្នេះថា «ការចល័តនាវា ឆ្លងកាត់តាមច្រកសមុទ្រតៃវ៉ាន់ គឺបង្ហាញពីការប្តេជ្ញាចិត្តរបស់សហរដ្ឋអាមេរិក ចំពោះសេរីភាព និងការបើកចំហនៃតំបន់ឥណ្ឌូប៉ាស៊ីហ្វិក។ យោធាសហរដ្ឋអាមេរិកតែងតែធ្វើការហោះហើរ (យន្តហោះ), ចល័ត (នាវា) និងបើកប្រតិបត្តិការនៅគ្រប់ទីកន្លែង ដែលច្បាប់អន្តរជាតិអនុញ្ញាត»។ គួរបញ្ជាក់ថា ភ្លាមៗគេនៅមិនទាន់ឃើញមានការឆ្លើយតបណាមួយ ពីសំណាក់ទីក្រុងប៉េកាំងនៅឡើយទេ។ យ៉ាងណាក៏ដោយ កាលពីថ្ងៃតុលាកន្លងទៅថ្មីៗនេះ ប្រទេសចិនបានប្រកាសថ្កោលទោសសហរដ្ឋអាមេរិក និងប្រទេសកាណាដា ចំពោះការចល័តនាវាចម្បាំងរៀងៗខ្លួន ឆ្លងកាត់តាមច្រកសមុទ្រតៃវ៉ាន់។ ប្រទេសចិនបានហៅទង្វើបែបនេះថា «ជាការគំរាមកំហែងដល់ស្ថិរភាព និងសន្តិភាពក្នុងតំបន់»៕