Li Xiong មេឆបោកតាមអនឡាញ​លំដាប់ទី២បន្ទាប់ពី Chen Zhi ត្រូវបាន​ចាប់​បញ្ជូនទៅប្រឈមមុខ​ច្បាប់​នៅ​ចិន

 

Li Xiong ត្រូវ​បានចាប់បញ្ជូន​ពី​កម្ពុជា​ទៅចិន​ នៅ​ថ្ងៃទី១ មករា​នេះ។ China Daily

កម្លាំងចម្រុះនៃនគរបាលកម្ពុជា និងនគរបាល​ចិន បានចាប់ខ្លួនជនជាតិ ចិនម្នាក់ឈ្មោះ Li Xiong ដែលរហូតមកដល់ពេលថ្មីៗនេះ​ក៏មានសញ្ជាតិខ្មែរផងដែរ។

ជន​ជាតិចិន​រូប​នេះ​ កាលពីកន្លងទៅ​គឺ​ជាម្ចាស់ម្នាក់នៃក្រុមហ៊ុន Huione Group ដែលបច្ចុប្បន្នត្រូវបានបញ្ឈប់ដំណើរការ​ដោយ​ធនាគារជាំតិ​ ហើយដែ លត្រូវបានចោទប្រកាន់ថាមានជាប់ពាក់ព័ន្ធនឹងការឆបោកតាមប្រព័ន្ធ អនឡាញ និងប្រតិបត្តិការលាងលុយកខ្វក់ក្នុងទ្រង់ទ្រាយធំ។

យោងតាមក្រសួងមហាផ្ទៃ លោក Li ត្រូវបានបណ្តេញចេញពីកម្ពុជានៅថ្ងៃទី ១ ខែមេសា បន្ទាប់ពីការដកសញ្ជាតិខ្មែររបស់គាត់ នៅថ្ងៃទី៣១ ខែមីនា ម្សិ លមិញ។

ការចាប់ខ្លួន និងការបណ្តេញចេញនេះ ត្រូវបានធ្វើឡើងក្នុងក្របខ័ណ្ឌនៃកិច្ច សហប្រតិបត្តិការដើម្បីប្រយុទ្ធប្រឆាំង និងបង្ក្រាបបទល្មើសឆបោកតាមបច្ចេកវិទ្យា និងផ្អែកតាមសំណើរបស់អាជ្ញាធរចិន។ នេះ​បើ​តាម​ក្រសួង​មហាផ្ទៃ។

ក្រសួងមហាផ្ទៃថ្លែង​នៅ​ក្នុង​សេចក្ដីប្រកាស​ព័ត៌មាន​ថា៖ «ប្រតិបត្តិការនេះត្រូវបានធ្វើឡើងបន្ទាប់ពីមានកិច្ចសហប្រតិបត្តិការស៊ើបអង្កេតរួមគ្នា រវាងអាជ្ញាធរនៃព្រះរាជាណាចក្រកម្ពុជា និងអាជ្ញាធរនៃសាធារណរដ្ឋប្រជាមានិតចិន ដែលបានអូសបន្លាយពេលអស់ជាច្រើនខែ។ សញ្ជាតិខ្មែររបស់លោក Li Xiong ត្រូវបានដកហូតតាមរយៈព្រះរាជក្រឹត្យកាលពីថ្ងៃទី៣១ ខែមីនា»។

លោក Li ត្រូវបានគេរាយការណ៍ថាជាសមាជិកសំខាន់ម្នាក់នៃក្រុមឧក្រិដ្ឋជនដែលដឹកនាំដោយស្ថាបនិកក្រុមហ៊ុន Prince Group គឺលោក Chen Zhi ដែលត្រូវបានចាប់ខ្លួន និងបណ្តេញចេញទៅប្រទេសចិនកាលពីខែមករា។

យោងតាមសារព័ត៌មាន China Daily លោក Li ត្រូវបានសង្ស័យថាបានដំណើរការកាស៊ីណូ ឆបោក ប្រតិបត្តិការអាជីវកម្មខុសច្បាប់ និងលាក់បាំងផលនៃ បទល្មើស ដោយក្នុងនោះ Chen Zhi គឺ​ជាប្រធានក្រុមល្បែងស៊ីសង និងឆបោ កឆ្លងដែន។

China Daily បានដកស្រង់សម្តីមន្ត្រីក្រសួងសន្តិសុខសាធារណៈរបស់ចិន ដែលបានលើកឡើងថា សមាជិកស្នូលមួយចំនួននៃក្រុមឧក្រិដ្ឋជនរបស់ Chen Zhi ត្រូវបានចាប់ខ្លួន ខណៈដែលនគរបាលកំពុង​បន្តតាមចាប់ខ្លួនជនរត់គេចខ្លួនដែលនៅសេសសល់បន្ត​ទៀត។

ក្រសួងសន្តិសុខសាធារណៈក៏បានចេញសេចក្តីជូនដំណឹងមួយ ដោយជំរុញឲ្យអ្នក​ដែល​កំពុង​គេចខ្លួនដែលមានជាប់​ពាក់ព័ន្ធនឹងក្រុមរបស់ Chen Zhi ចូលខ្លួនមកសារភាពទោសកំហុស៕

ឧបនាយករដ្ឋមន្ត្រី ស៊ុន ចាន់ថុល ជួបពិភាក្សាការងារជាមួយក្រុមអ្នកផលិតភាពយន្តឯកសាររបស់បារាំង លើគម្រោងរៀបចំថតភាពយន្តឯកសារបង្ហាញពីការវិវឌ្ឍន៍របស់កម្ពុជា

(ភ្នំពេញ)៖ លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នាព្រឹកថ្ងៃទី១៤ ខែវិច្ឆិកា ឆ្នាំ២០២៥នេះ បានអនុញ្ញាតជូនក្រុមអ្នកសារព័ត៌មានបារាំង និងជាក្រុមអ្នកផលិតភាពយន្តឯកសារ រួមមាន លោក Michael Damon និងលោក Yves Deria ចូលជួបសម្តែងការគួរសម និងពិភាក្សាការងារ ផ្តោតលើគម្រោងក្នុងការរៀបចំថតភាពយន្តឯកសារនៅកម្ពុជា ដែលនឹងបង្ហាញអំពីការវិវឌ្ឍន៍របស់កម្ពុជា លើផ្នែកនយោបាយ និងការអភិវឌ្ឍសង្គម សេដ្ឋកិច្ច ប្រកបដោយចីរភាព។

សំណង់រឹងមាំរបស់ឧកញ៉ាម្នាក់សាង សង់ចូលក្នុងទន្លេជាច្រើនម៉ែត្រសង្ស័យគ្មានច្បាប់..

 

កណ្តាល : មហាជនទូទៅនៅ ក្នុងក្រុងសំពៅពូន ខេត្តកណ្ដាល សម្ដែងការមិនពេញចិត្តនិងសង្ស័យថាសំណង់ដ៏រឹងមាំមួយរបស់ឧកញ៉ាម្នាក់ដែលបានសាងសង់ចូលក្នុងទន្លេជាច្រើនម៉ែត្រ ក្នុងក្រុងសំពៅពូន ខេត្តកណ្តាល នោះសង្ស័យគ្មានច្បាប់ទ ម្លាប់ទេ។

ប្រជាពលរដ្ឋនៅក្នុងមូលដ្ឋាននោះបានលើកឡើងជាសំណួរថា : តើសំណង់ដ៏រឹងមាំរបស់ឧកញ៉ាខាងលើនេះមានច្បាប់ដែរឬទេ?ហើយប្រសិនបើសំណង់ដ៏រឹងមាំមួយនេះមានច្បាប់ទម្លាប់ដែលកំពុងតែសាងសង់រំលោភចូលក្នុងដីទន្លេនេះតើមានផ្ដល់ជាផលប្រយោជន៍រួមដល់ប្រជាពលរដ្ឋដែរឬទេ?ឬមួយគ្រាន់តែផ្ដល់ផលប្រយោជន៍ឯកជនសំរាប់អ្នកមានលុ យមានអំណាច ? ៕

ទាក់ទិននឹងករណីខាងលើនេះដែរអង្គភាពសារព័ត៌មានយើងមិនអាចសុំការបំភ្លឺពីអាជ្ញាធរនៅក្នុងមូល ដ្ឋានបានទេជាពិសេស លោក អេង សុវិចិត្រ អភិបាលក្រុងសំពៅពូន ដោយទូរស័ព្ទរបស់លោកមិនអាចទទួលការហៅចូល។

ប្រជាពលរដ្ឋនៅក្រុងសំពៅពូនសង្ឃឹមថា អាជ្ញាធរនឹងអនុវត្តច្បាប់ឲ្យ បានស្មើភាពចំពោះបញ្ហាសំណង់ដែលកំពុងសង់រំលោភចូលក្នុងទន្លេនេះ។ យ៉ាងណាក៏ដោយ គេសង្ឃឹមទៅលើលោកគួច ចំរើន អភិបាលខេត្តកណ្ដាលថាមិនបណ្ដោយឲ្យមានបញ្ហាអយុត្តិធម៌និងរំលោភបំពានសម្បត្តិសាធារណៈរបស់រដ្ឋនៅក្នុងមូលដ្ឋានរបស់ខ្លួនទេ៕

ចំពោះអត្ថបទខាងលើអង្គភាពយើងរង់ចាំទទួលបកស្រាយរៀងរាល់ម៉ោងធ្វើការតាមរបបសារព័ត៌មាន។

 អត្ថបទនាយ | ឆើត  📞 068 333 996 / 060 90 30 55

សង្វេគណាស់ មនុស្សចាស់ ក្មេង២នាក់បានស្លាប់នៅក្នុងភ្នក់ភ្លើង ក្នុករណីគ្រោះអគ្គិភ័យឆេះផ្ទះនៅសង្កាត់ទឹកថ្លាកាលពីរសៀលម្សិលម៉ិញ....

 

ភ្នំពេញ៖ ពិតជាអាណោចអាធ័មខ្លាំងណាស់ មនុស្សក្មេង ចាស់ចំនួន៣នាក់បានជាប់គាំងនៅខាងលើផ្ទះល្វែងមួយកន្លែង បណ្ដាលឱ្យមានអ្នកស្លា.ប់ចំនួន២នាក់ ក្នុងហេតុការណ៍គ្រោះអគ្គិភ័យឆាបឆេះផ្ទះដែលមានទីតាំងស្ថិតនៅសង្កាត់ទឹកថ្លា ខណ្ឌសែនសុខ រាជធានីភ្នំពេញ។ហេតុការណ៍នេះបង្កឲ្យមានការភ្ញាក់ផ្អើលឡើងនៅរសៀ លថ្ងៃ ទី៩ ខែកញ្ញា ឆ្នាំ២០២៥។

តាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេបានឮសម្លេងផ្ទុះចេញពីខាងក្រោម ហើ យក៏បានបង្កជាអណ្តាតភ្លើងឆាបឆេះយ៉ាងសន្ធោសន្ធៅ ខណៈភ្លើងកំពុងតែឆាបឆេះមានក្មេងតូចម្នាក់បានរត់ចុះមកខាងក្រោមហើយក៏បានរត់ទៅរកលោកយាយ និងក្មេងស្រីម្នាក់ទៀតដែលជាប់គាំងនៅបន្ទប់ឡៅតឿខាងលើ ។

ភ្លាមៗនោះសមត្ថកិច្ចមូលដ្ឋានបានហៅរថយន្តពន្លត់អគ្គីជាច្រើនគ្រឿងរបស់ស្នងការដ្ឋាននគរបាលរាជធានីភ្នំពេញ ចេញមកអន្តរាគមន៍នៅទីតាំងកើតហេតុដើម្បីបាញ់ទឹកទប់ស្កាត់ការពារកុំឲ្យមានការឆេះរាលដាលបន្តទៅកាន់ផ្ទះ បងប្អូនប្រជាពលរដ្ឋដែលនៅក្បែរកន្លែងកើតហេតុ។

បន្ទាប់ពីកើតហេតុ សមត្ថកិច្ចបានរុករកឃើញសាកសពជនរងគ្រោះចំនួន២នាក់ និងបានពិនិត្យទៅលើសាកសព ជនរងគ្រោះខាងលើ និងធ្វើកំណត់ហេតុប្រគល់សពទៅឱ្យក្រុមគ្រួសារសាច់ញាតិយកទៅចាត់ចែងធ្វើបុណ្យតាមប្រពៃណី៕

អាកាសយានដ្ឋានអន្តរជាតិភ្នំពេញពោធិ៍ចិនតុងនឹងបិទដំណើការជារៀងរហូត ក្រោយឆ្លងកាត់ព្យុះភ្លៀងជាច្រើនសម័យកាលប្រមាណជា៦៦ឆ្នាំមកនេះ

ភ្នំពេញ​៖​ បើមិនមានការប្រែប្រួលទេ អាកាសយានដ្ឋានអន្តរជាតិភ្នំពេញ ឬ ឈ្មោះដើមហៅថាអាកាស យានដ្ឋានអន្តរជាតិពោធិ៍ចិនតុង នឹងត្រូវបិទទ្វារនៅម៉ោង ០០:០០ ថ្ងៃទី០៩ ខែកញ្ញា ឆ្នាំ២០២៥ ខាងមុខនេះ។ ការប្រកាសបិទទ្វារនេះធ្វើឡើងបន្ទាប់ពីកម្ពុជាទទួលបានអាកាសយានដ្ឋានអន្តរជាតិតេជោ លំដាប់4F ដែលបានសាងសង់រួចរាល់ដំណាក់កាលទី១ និងបើកឲ្យដំណើរការនៅថ្ងៃទី០៩ កញ្ញាដូចគ្នាដែរ ។ 

ការបិទទ្វារអាកាសយានដ្ឋានអន្តរជាតិភ្នំពេញ(ពោធិ៍ចិនតុង) គឺធ្វើឡើងក្រោយពីអាកាសយានដ្ឋានមួ យនេះបានឈរជើងបម្រើការលើផ្នែកអាកាសចរស៊ីវិលអស់រយៈពេល៦៦ឆ្នាំ ពោលគឺចាប់តាំងពីឆ្នាំ ១៩៥៥មក ហើយការបិទទ្វារនេះគឺបិទជារៀងរហូតដោយជម្រាបលាទៅកាន់ប្រជាពលរដ្ឋ ទាំងភ្ញៀវជាតិ និងអន្តរជាតិ។អាកាសយានដ្ឋានអន្តរជាតិពោធិ៍ចិនតុង ត្រូវបានប្តូរឈ្មោះ ទៅជាអាកាសយានដ្ឋានអន្តរជាតិភ្នំពេញ នៅថ្ងៃទី១៥ ខែមករា ឆ្នាំ២០០៣។

 ដំបូងឡើយ វាត្រូវបានបង្កើតនៅក្នុងឆ្នាំ១៩២៤ អំ ឡុងពេលសម័យអាណាព្យាបាលបារាំង។ អាកាសយា នដ្ឋាននេះ បានបើកដំណើរការនៅឆ្នាំ១៩៥៥ លើផ្ទៃដីទំហំ ៣៦៦,៧២ហិកតា ស្ថិតក្នុងភូមិសាស្រ្ត សង្កាត់កាកាប ខណ្ឌពោធិ៍សែនជ័យ នៅជាយរាជធានីភ្នំពេញ ចម្ងាយប្រមាណ ១០គីឡូម៉ែត្រ។នៅឆ្នាំ១៩៩៥ រាជរដ្ឋាភិបាលកម្ពុជា បានផ្តល់ការវិនិយោគឲ្យក្រុមហ៊ុន សូស៊ីយេតេ កុងសេស្យូនែ ដឺ ឡាអេរ៉ូព័រ ធ្វើការអភិ វឌ្ឍសាងសង់ និងគ្រប់គ្រងប្រតិបត្តិការអា កាសយានដ្ឋានអន្តរជាតិភ្នំពេញ។

 ក្រុមហ៊ុននេះបានដឹកនាំការអភិវឌ្ឍសំខាន់ៗរួមមាន ការសាងសង់ផ្លូវដើរយន្តហោះថ្មី ចំណតយន្តហោះ អាគារស្តុកទំនិញជាដើម។ ដល់ឆ្នាំ២០០២ អាកាសយានដ្ឋាននេះមានការអភិវឌ្ឍបន្ថែម កាន់តែទាក់ទា ញទេសចរ។ដោយហេតុថា អាកាសយានដ្ឋានអន្តរជាតិភ្នំពេញបច្ចុប្បន្ន ផ្ទៃដីមានលក្ខណៈតូចចង្អៀត ទី តាំងទៀតសោធស្ទើតែស្ថិតចំកណ្តាលរាជធានីភ្នំពេញ និងក្នុងតំបន់ប្រតិបត្តិការអាកាសយានដ្ឋានបច្ចុ ប្បន្ន ពោរពេញទៅដោយសំណង់អគារខ្ពស់ៗ ដែលជាឧបសគ្គដល់សុវត្ថិភាពកិច្ចប្រតិបត្តិការហោះឡើង-ចុះចតអាកាសយានគ្រប់ប្រភេទ និងជុំវិញបរិវេណអាកាស យានដ្ឋាន ក៏ហុំព័ទ្ធដោយសំណង់លំនៅដ្ឋារប ស់ប្រជាពលរដ្ឋជាច្រើនណែនណាន់តាន់តាប់ផងដែរ ដែលជាឧបសគ្គមិនអាចធ្វើការអភិវឌ្ឍពង្រីកបន្ថែមបានស្របតាមផែនការមេនៃអាកាសយានដ្ឋានអន្តរ ជាតិភ្នំពេញលំដាប់4F។ ដើម្បីបំពេញបានតាមតម្រូវការនៃកំណើនជើងហោះហើរ និងកំណើនអ្នកដំណើរតាមផ្លូវអាកាសចេញ-ចូលព្រះរាជាណា ចក្រកម្ពុជា នៅឆ្នាំ២០១៧ រាជរដ្ឋាភិបាល បានផ្តល់ការវិនិយោគឲ្យក្រុមហ៊ុន ខេមបូឌា អ៊ែរផត អ៊ិនវេសមិន ខូអិលធីឌី ធ្វើការអភិវឌ្ឍសាងសង់ និងគ្រប់គ្រងប្រតិបត្តិការអាកាសយាន្តអន្តរជាតិថ្មីមួយលំដាប់ថ្នាក់4F ឈ្មោះថា«អាកាសយានដ្ឋានអន្តរជាតិតេជោ»៕

ពលរដ្ឋក្នុងក្រុងបាវិត ឆ្ងល់ថាហេតុអ្វីបានជាល្បែងភ្នាល់ យីហោ 333 បើកលេងជាច្រើនកន្លែង រីកដូចផ្សិត នៅកណ្តាលក្រុងបាវិត ដំណើការបានស្រួលម្លេះ ? រីឯ លោក អែម សុវណ្ណារិទ្ធ អធិការដ្ឋាន នគរបាល ក្រុងបាវិត រក្សា ភាពស្ងៀមស្ងាត់ ។

ខេត្តស្វាយរៀង : ថ្មីៗអង្គភាពសារព័ត៌មានយើងបានទទួលរូបភាពខ្លះពីការដំណើរការបើកឲ្យលេង ល្បែងស៊ីសងតាមប្រព័ន្ធអនឡាញ  ចាក់បាល់  ហ្គេមបាញ់ត្រី និងល្បែងផ្សេងៗ ជាច្រេីនប្រភេទទៀត ភ្នាល់តាមអនឡាញ ប្រហែលជាម្ចាស់ល្បែងបុគ្គលម្នាក់នោះមាន ខ្នងបង្អែក រឹងមាំនៅពីក្រោយ ទេីបហ៊ានធ្វើអ្វីៗតាមអំពេីចិត្តបែបនេះ។

នេះបញ្ជាក់ឲ្យ ឃើញថា ល្បែងស៊ីសងតាមអនឡាញ នៅក្នុងក្រុងបាវិត នៅតែបន្តកើតមានជាធម្មតា បើទោះបីជាក្រសួងមហាផ្ទៃបានហាមប្រាមយ៉ាងតឹងរឹងក៏ដោយ។

ប្រភពបានរាយការណ៍ថា ល្បែងអនឡាញកំពុងដំណើរការលួចលាក់បើកប្រឆាំងទៅនឹងបទបញ្ជារបស់រាជ រដ្ឋាភិបាលពួកថៅកែ ល្បែងស៊ីសងដែលនៅតែផ្គើន នេះបញ្ជាក់ឲ្យឃើញថាអាជ្ញាធរ ក្រុងបាវិត នៅ តែបណ្តែតបណ្ដោយឲ្យមានល្បែងស៊ីសងតាមប្រព័ន្ធអនឡាញ យ៉ាងសកម្មដដែល។

យោងតាមប្រភពព័ត៌មានច្បាស់ការបានបញ្ជាក់ឲ្យដឹងថា ទីតាំងល្បែងស៊ីសងខុសច្បាប់តាមប្រព័ន្ធ អនឡាញ ដែលកំពុង បើកលេងជារៀងរាល់ថ្ងៃ ប៉ុន្តែអាជ្ញាធរនិងសមត្ថកិច្ចពាក់ព័ន្ឋក្នុងមូលដ្ឋាន ហា ក់រក្សាភាពស្ងៀមស្ងាត់។

មជ្ឈដ្ឋានខាងក្រៅ! និងពលរដ្ឋក្នុងមូលដ្ឋានរិះគន់ចំៗទៅលើអាជ្ញាធរនិង សមត្ថកិច្ច  ក្រុងបាវិតថាហាក់បណ្ដែតបណ្ដោយនិងព្រងើយកន្តើយមិនបង្ក្រាបចំពោះទីតាំងបនល្បែងខាងលើ បណ្តោយឲ្យបើកដំណើរការបានយ៉ាងរលូន ថែមទាំងមិនអនុវត្ត គោលនយោបាយភូមិ/ឃុំ មានសុវត្ថិភាព ដែលដាក់ចេញដោយក្រសួងមហាផ្ទៃ។

ទីតាំងល្បែងខាងលើ ប្រជាពលរដ្ឋរស់នៅក្នុងមូលដ្ឋា នមានការព្រួយបារម្ភជាខ្លាំង អំពីបញ្ហាសុវត្ថិភាពគ្រួសារខ្លាចប្តីនិងកូនពួកគាត់មានការផុងខ្លួនជាមួយល្បែងនេះហើយល្បែងខុសច្បាប់ទាំងនេះ ជា ដើ មចម នៃអំពើហិង្សា ម្យ៉ាងទៀតខ្លាចកើតនូវអំពើចោរកម្ម និង បទល្មើសផ្សេងៗ ដូចជាចោរលួច ឆក់ ប្លន់ ជាដើម។

ប្រជាពលរដ្ឋអំពាវនាវដល់ លោក ពេជ្រ វិរះ ស្នងការដ្ឋាននគរបាល ខេត្តស្វាយរៀង មេត្តាចាត់មន្រ្តីក្រោមឱវាទជួយត្រួតពិនិត្យផងទាន ដេីម្បីរក្សាសន្តិសុខសង្គមជូនពលរដ្ឋក្នុងមូលដ្ឋានខណ:ពេល លោកលោក អែម សុវណ្ណារិទ្ធ អធិការដ្ឋាននគរបាលក្រុងបាវិត  រក្សាភាពស្ងៀមស្ងាត់៕

ទាក់ទិននិងករណីខាងលើ អង្គភាពយើងមិនអាចសុំការបំព្លឺពី អាជ្ញារធម៍នឹងសមត្ថកិច្ចក្នុងមូលដ្ឋាបាននោះទេ។

ទោះជាយ៉ាងណាក្ដី អ្នកដែលមានប្ដីនិងកូន ជាអ្នកញៀនល្បែង សង្ឃឹម ថា សមត្ថកិច្ច នឹងបង្ក្រាបល្បែងតាមអនឡាញខាងលើនេះ មិនខានឡើយ។ ដើម្បីកុំឱ្យល្បែងអនឡាញទាំងនេះបង្វែរស្មារតីពលរដ្ឋឱ្យភ្លេច ការងារហើយវក់វីប្រមូលលុយមកភ្នាល់ផ្សងសំណាង។ ខណៈថៅកែដែលជាអ្នកបើកល្បែង ”អន ឡាញ ”ចាំទទួលផលស្រាប់ៗ យ៉ាងច្រើនសន្ធឹកសន្ធាប់៕

ល្បែងស៊ីសងតាមប្រព័ន្ធអនឡាញបើកដំណើរការនៅឃុំទន្លូង ស្រុកមេមត់ យ៉ាងស្ងៀមស្ងាត់..

 

ខេត្តត្បូងឃ្មុំ  ថ្មីៗអង្គភាពសារព័ត៌មានយើងបានទទួលរូបភាពខ្លះពីការដំណើរការបើកឲ្យលេង ល្បែងស៊ីសងតាមប្រព័ន្ធ online មួយកន្លែងស្ថិតនៅក្នុងភូមិក្តុលផ្សារ  ឃុំទន្លូង  ស្រុកមេមត់ ខេត្តត្បូងឃ្មុំ។
 នេះបញ្ជាក់ឲ្យ ឃើញថា ល្បែងស៊ីសងតាមអនឡាញ នៅក្នុងខេត្តត្បូងឃ្មុំ នៅតែបន្តកើតមានជាធម្មតា បើទោះបីជាក្រសួងមហាផ្ទៃបានហាមប្រាមយ៉ាងតឹងរឹងក៏ដោយ។

ប្រភពបានរាយការណ៍ថា ល្បែងអនឡាញកំពុងដំណើរការលួចលាក់បើកប្រឆាំងទៅនឹងបទបញ្ជារបស់រាជ រដ្ឋាភិបាលពួកថៅកែល្បែងស៊ីសងដែលនៅតែផ្គើន នេះបញ្ជាក់ឲ្យឃើញថាអាជ្ញាធរស្រុក មេមត់នៅ តែបណ្តែតបណ្ដោយឲ្យមានល្បែងស៊ីសងតាមប្រព័ន្ធអនឡាញ យ៉ាងសកម្មដដែល។

យោងតាមប្រភពព័ត៌មានច្បាស់ការបានបញ្ជាក់ឲ្យដឹងថា ទីតាំងល្បែងស៊ីសងខុសច្បាប់តាមប្រព័ន្ធអន ឡាញ ១ទីតាំងនេះ បើកលេងជារៀងរាល់ថ្ងៃ ប៉ុន្តែអាជ្ញាធរនិងសមត្ថកិច្ចពាក់ព័ន្ឋក្នុងមូល ដ្ឋាន ហាក់រក្សាភាពស្ងៀមស្ងាត់។

មជ្ឈដ្ឋានខាងក្រៅ! និងពលរដ្ឋក្នុងមូលដ្ឋានរិះគន់ចំៗទៅលើអា ជ្ញាធរនិងសមត្ថកិច្ច ស្រុកមេមត់ ថាហាក់បណ្ដែតបណ្ដោយនិងព្រងើយកន្តើយមិនបង្ក្រាបចំពោះទីតាំងបនល្បែងខាងលើ បណ្តោយឲ្យបើកដំណើរការបានយ៉ាងរលូន ថែមទាំងមិនអនុវត្ត គោលនយោបាយភូមិ/ឃុំ មានសុវត្ថិភាព ដែលដាក់ចេញដោយក្រសួងមហាផ្ទៃ។

ទីតាំងល្បែងខាងលើ ប្រជាពលរដ្ឋរស់នៅក្នុងមូលដ្ឋា នមានការព្រួយបារម្ភជាខ្លាំង អំពីបញ្ហាសុវត្ថិភាពគ្រួសារខ្លាចប្តីនិងកូនពួកគាត់មានការផុងខ្លួនជាមួយល្បែងនេះហើយល្បែងខុសច្បាប់ទាំងនេះជា ដើម ចម នៃអំពើហិង្សា ម្យ៉ាងទៀតខ្លាចកើតនូវអំពើចោរកម្ម និង បទល្មើសផ្សេងៗ ដូចជាចោរលួច ឆក់ ប្លន់ ជាដើម។

ប្រជាពលរដ្ឋអំពាវនាវដល់ លោកឧត្តមសេនីយ៍ទោ​ ចិន​ នី​ ស្នងការ​ នៃស្នងការដ្ឋាននគរបាលខេត្តត្បូងឃ្មុំ​   មេត្តាចាត់មន្រ្តីក្រោមឱវាទជួយត្រួតពិនិត្យផងទាន ដេីម្បីរក្សាសន្តិសុខសង្គមជូនពលរដ្ឋក្នុងមូលដ្ឋានខណ:ពេល លោកវរសេនីយ៍ទោ​ ប៉ោង​ ស៊ីណាត​ អធិការ​ នៃអធិការដ្ឋាននគរបាលស្រុកមេមត់​  រក្សាភាពស្ងៀមស្ងាត់៕ ទាក់ទិននិងករណីខាងលើ អង្គភាពយើងមិនអាចសុំការបំព្លឺពី អាជ្ញារធម៍នឹង សមត្ថកិច្ចក្នុងមូលដ្ឋាបាននោះទេ។

ទោះជាយ៉ាងណាក្ដី អ្នកដែលមានប្ដីជាអ្នកញៀនល្បែង សង្ឃឹម ថា សមត្ថកិច្ច នឹងបង្ក្រាបល្បែងជល់មាន់តាមអនឡាញខាងលើនេះ មិនខានឡើយ។ ដើម្បីកុំឱ្យល្បែងអនឡាញទាំងនេះ បង្វែរស្មារតីពល រដ្ឋឱ្យភ្លេចការងារហើយវក់វីប្រមូលលុយមកភ្នាល់ផ្សងសំណាង។ ខណៈថៅកែដែលជាអ្នកបើក ល្បែង”អនឡាញ”ចាំទទួលផលស្រាប់ៗ យ៉ាងច្រើនសន្ធឹកសន្ធាប់៕

ឃើញឡានជាប់ផុងប្រជាពលរដ្ឋមកជួយរុញស្រាប់តែ..

ខេត្តឧត្តរមានជ័យ ÷ ប្រជាពលរដ្ឋឃើញឡានជាប់ផុងមកជួយរុញស្រាប់តែមកដល់អើតមើលក្នុងឡានឃើញមនុស្សស្លា.,,ប់ ហើយបានរាយការណ៍ទៅប្រាប់សមត្ថកិច្ចមកឃាត់ខ្លួនជនសង្ស័យភ្លាម ៗ។

ករណីនេះគេសង្ស័យថា : ជនសង្ស័យជាជនជាតិចិន សម្លាប់ជនជាតិចិនដូចគ្នា ក្នុងកាស៊ីណូ រួចលើកដាក់ក្នុងរថយន្ត បំរុងយកមកកប់ចោល បំបាត់ភស្តុតាង នៅចំណុចភូមិ អូរខ្លាឃ្មុំ សង្កាត់អូរស្មាច់ ក្រុងសំរោង ខេត្តឧត្ដរមានជ័យ កាលថ្ងៃទី១១.៨.២០២៥។

តាមប្រភពថា ជនជាតិចិនដែលបានស.ម្លា.ប់មនុស្សខាង លើមានគ្នាចំនួន៦នាក់និង រយន្តធ្វើកម្មភាពចំនូនពីគ្រឿង ។

ក្រោយពីបែកការ រថយន្តមួយគ្រឿងមានគ្នា៥នាក់ បានបើករត់កេចខ្លួនបាត់ សមត្ថកិច្ចកំពុងស្រាវជ្រាវករណីនេះហើយ ។ 

លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ ខេត្តក្រចេះ ត្រូវបានលាតត្រដាង ជាបន្តបន្ទាប់ល្បីខាងប្រព្រឹត្តអំពើពុករលួយ..

 ក្រចេះ ៖ លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យផ្លូវជាតិលេខ ៧ ស្រុកស្នួល ខេត្តក្រចេះ ត្រូវបានលាតត្រដាងជាបន្តបន្ទាប់ ល្បីខាងប្រព្រឹត្តអំពើពុករលួយ ។ នេះបើតាមប្រភពពីមន្ត្រីរាជការសាធារណ:ការនិងដឹកជញ្ជូន ខេត្តក្រចេះបានឲ្យដឹងនៅពេលនេះ។

ដូច្នេះហើយទើប លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ ហ៊ានប្រព្រឹត្តនិងធ្វើអ្វីៗតាមអំពើចិត្ត។ ហើយថែមទាំងហ៊ាន ប្រែក្លាយ ជញ្ជីងថ្លឹងរថយន្តទៅជាជញ្ជីងថ្លឹងសម្រាប់ថ្លឹងលុយយ៉ាងរលូនដោយមិនខ្លាចញញើតនិងស្ថាប័នពាក់ព័ន្ធណាទាំងអស់។ នេះមកពីមានការបើកភ្លើងខៀវពី សំ ណាក់ លោក សាំង ប៊ុនថេន ប្រធានមន្ទីរសាធារណការ និងដឹកជញ្ជូនខេត្តក្រចេះ ដែលកំពុងល្បីល្បាញខាងពុករលួយ ។

ប្រភពពីសមត្ថកិច្ចពាក់ព័ន្ធ ក្នុងស្រុកស្នួលខេត្តក្រចេះ បានឲ្យដឹងថា ទំនិញដែលឈ្មួញធំៗ នាំចូលតាមច្រកទ្វារអន្តរជាតិ ត្រពាំងស្រែ – វ៉ា លឺ ភាគច្រើន ដឹកជញ្ជូនតាមរថយន្តធុន ធំ ផ្ទុកលើសទម្ងន់ ហើយអាចបើកបរឆ្លងកាត់មុខស្ថានីយ៍ជញ្ជីងថ្លឹងរថយន្តមានជ័យ ដោយមិនបាច់ចូលថ្លឹង ឲ្យបានត្រឹមត្រូវ តាមការកំណត់នោះទេ ពោលគ្រាន់តែបង់លុយឲ្យលោកនូ សុវណ្ណាអាចធ្វើដំណើរបានហើយ មិនបាច់សួរនាំវែងឆ្ងាយទេ។ ជាងនេះទៅទៀត ក្រុមអាជីវករនិងប្រជាពលរដ្ឋ ដែលដឹកជញ្ជូនកសិផល ដឹកជញ្ជូនទំនិញផ្ទុក មិនលើសទម្ងន់ ក៏ត្រូវបង់លុយថ្លៃបាយទឹកតាម ការកំណត់របស់លោក នូ សុ វណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ និងបក្ខពួកខ្លួន ទើបឈ្មួញធំៗដឹកជញ្ជួនទំនិញទៅដល់ គោលដៅ ។

មន្ត្រីនៅក្នុងមន្ទីរសាធារណការ ខេត្តក្រចេះ មួយចំនួនបានលើកឡើងថា ទំនងជាអំពើពុករលួយ របស់លោក នូ សុវណ្ណា ប្រធានស្ថានីយ៍ជញ្ជីងថ្លឹង រថយន្ត មានជ័យ ជាប្រភពចំណូលដ៏សំខាន់របស់ លោក សេង ឈួន មេជញ្ជីងថ្លឹងរថយន្តទូទាំងប្រទេសផងដែរ ទើបលោក សេង ឈួន បណ្តោយ ឲ្យលោក នូ សុវណ្ណា ធ្វើអ្វីៗតាមអំពើចិត្ត ។

បញ្ហានេះលោក នូ សុ វណ្ណា តែងប្រើឈ្មោះ លោក សាំង ប៊ុនថេន ប្រធានមន្ទីរសាធារណការខេត្តក្រចេះ ដើម្បីការពារទង្វើមិនប្រក្រតីនិង អំពើពុករលួយរបស់ខ្លួនមិនខ្វល់ពីការរិះគន់ ។

ហេតុនេះហើយ ទើប មានសេចក្តីអំពាវនាវឲ្យឯកឧត្តម រដ្ឋមន្ត្រីក្រសួង សាធារណ:ការ និង ដឹកជញ្ជូន មេត្តាចាត់វិធានការ និងទប់ស្កាត់អំពើពុករលួយ លោក នូ សុវណ្ណា និង លោក សាំង ប៊ុនថេន ព្រោះរឿងអាស្រូវពុករលួយរបស់មន្ត្រីទាំង ២ រូបនេះ ត្រូវបានបើកកកាយ ជាបន្តបន្ទាប់ ដោយមន្ត្រីនៅក្រោមឱវាទ។

គ្រូបង្រៀនម្នាក់នៅស្រុកកៀនស្វាយ ខេត្តកណ្តាល បង្គាប់ឲ្យសិស្សស្រីថតរូបអាក្រាតកាយជាថ្នូរបានពិន្ទុល្អ ត្រូវបានតុលាការឃុំខ្លួនដាក់ពន្ធនាគារ

 (កណ្ដាល)៖ លោក ស្វាយ តុញ ចៅក្រមសើបសួរសាលាដំបូងខេត្តកណ្តាល បានចេញដីកាឃុំខ្លួនគ្រូបង្រៀនម្នាក់នៅស្រុកកៀនស្វាយ ខេត្តកណ្តាល ដែលបង្គាប់ឱ្យសិស្សស្រីថតរូបអាក្រាតកាយជាថ្នូរបានពិន្ទុល្អ ដាក់ពន្ធនាគារជាបណ្តោះអាសន្ន។ គ្រូបង្រៀនរូបនេះ ត្រូវបានលោកស្រី ផាន់ សុគន្ធថង តំណាងអយ្យការអមសាលាដំបូងខេត្តកណ្តាល បានចោទប្រកាន់ពីបទ «គម្រាមកំហែងដោយមានបញ្ជាឱ្យបំពេញលក្ខខ័ណ្ឌអ្វីមួយ» និង «រុ.កកួនខាងផ្លូវភេទ»៕

សេចក្តីប្រកាសព័ត៌មានរបស់អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា....

ភ្នំពេញ, ថ្ងៃទី១០ ខែសីហា ឆ្នាំ២០២៥ អ្នកនាំពាក្យ ក្រសួងការពារជាតិ នៃព្រះរាជាណាចក្រកម្ពុជា សូមជូនព័ត៌ មានដល់សាធារណជន និងសហគមន៍អន្តរជាតិ មេត្តាជ្រាបថា៖ នៅថ្ងៃទី១០ ខែសីហា ឆ្នាំ២០២៥ មេបញ្ជាការ យោធភូមិភាគទី២ ប៊ុនស៊ីន ផាត់ឃ្លាំង បានប្រកាសផែនការមុនចូលនិវត្តន៍របស់ខ្លួនដែលនៅសល់តែ ៥១ ថ្ងៃទៀតដោយ ៖ ទី១- ដណ្តើមកាន់កាប់ប្រាសាទតាក្របីពីការគ្រប់គ្រងស្របច្បាប់របស់កម្ពុជា និងទី២-ប្រកាស បិទប្រាសាទតាមាន់ធំដែលស្ថិតក្នុងដែនអធិបតេយ្យ និងបូរណភាពទឹកដីកម្ពុជា។ ការប្រកាសនេះជាភស្តុតាង មិនអាចប្រកែកបានបញ្ជាក់ពីការបង្កហេតុ និងជាការប៉ុនប៉ងឈ្លានពានទឹកដីកម្ពុជាដោយចេតនា និងគិតទុកជាមុន។

ទង្វើរបស់មេបញ្ជាការភូមិភាគ២ ថៃខាងលើ ក៏ជាការរំលោភបំពានលើកិច្ចព្រមព្រៀងបទឈប់បាញ់ សម្រេចនៅក្នុងកិច្ចប្រជុំពិសេសនាថ្ងៃទី២៨ ខែកក្កដា ឆ្នាំ២០២៥ និងស្មារតីនៃកិច្ចប្រជុំវិសាមញ្ញរបស់គណៈកម្មាធិការព្រំដែនទូទៅ GBC កាលពីថ្ងៃទី៧ ខែសីហា ឆ្នាំ២០២៥ នៅប្រទេសម៉ាឡេស៊ី។ ក្នុងកិច្ចប្រជុំវិសាមញ្ញនៃគណៈ កម្មាធិការព្រំដែនទូទៅ GBC, ភាគីកម្ពុជាថៃបានឯកភាពគ្នា ជាពិសេសចំណុចទី២ ដែលបានចែងថា ភាគីទាំងពីរមិនត្រូវចល័តកងទ័ពរបស់ខ្លួន រាប់បញ្ចូលទាំងការមិនដើរល្បាតហួសពីទីតាំងរបស់ខ្លួនដែលឈរជើងឡើយ។

កម្ពុជាសូមគូសបញ្ជាក់អំពីគោលជំហរដ៏ម៉ឺងម៉ាត់របស់ខ្លួនក្នុងការរកដំណោះស្រាយដោយសន្តិវិធី និងប្រកាន់គោលការណ៍សន្តិភាពជាធំ និងអនុវត្តយ៉ាងខ្ជាប់ខ្ជួននូវបទឈប់បាញ់ ហើយកម្ពុជាសង្ឃឹមថាភាគីថៃនឹងប្រ កាន់គោលជំហរដូចគ្នាប្រកបដោយភាពស្មោះត្រង់ដើម្បីឈានទៅបញ្ចប់ការប្រឈមមុខដាក់គ្នាទាំងស្រុងដើ ម្បីស្តារមកវិញនូវសន្តិភាព ប្រក្រតីភាព និងប្រជាពលរដ្ឋនៃប្រទេសទាំងពីររស់នៅក្នុងសុខសន្តិភាព។

ជាមួយគ្នា ក្រសួងការពារជាតិសូមអំពាវនាវដល់សហគមន៍អន្តរជាតិ ជាពិសេសប្រទេសដៃគូដែលបានខិតខំប្រឹងប្រែងជួយឱ្យសម្រេចបាននូវបទឈប់បាញ់ដ៏លំបាកមួយនេះ ជួយជំរុញយ៉ាងម៉ឺងម៉ាត់ឱ្យភាគីថៃ គោរពកិច្ចព្រមព្រៀងឈប់បាញ់ ដោយមិនត្រឹមតែតាមរយៈពាក្យសម្ដីប៉ុណ្ណោះទេ ប៉ុន្តែតាមរយៈសកម្មភាពជាក់ស្តែងផងដែរ ដោយបញ្ឈប់រាល់អំពើរំលោភបំពានទាំងឡាយ និងរុះរើបន្លាលួសដែលខ្លួនបានលួចដាក់ ចេញឱ្យអស់ជាបន្ទាន់ពីដែនអធិបតេយ្យរបស់កម្ពុជា។

អ្នកនាំពាក្យក្រសួងការពារជាតិនៃព្រះរាជាណាចក្រកម្ពុជា សូមបញ្ជាក់ផងដែរថា ស្ថានភាពនៅព្រំដែនជាទូ ទៅមានសភាពស្ងប់ស្ងាត់ល្អ ហើយយើងគួរបន្តធ្វើឱ្យស្ថានភាពនេះរឹតតែប្រសើរឡើង ជាជាងការធ្វើទង្វើដែលបង្កការរាំងស្ទះដល់ការនាំមកវិញនូវសន្តិភាព ស្ថិរភាព និងប្រក្រតីភាពនៃទំនាក់ទំនងរវាងប្រទេសទាំងពីរ ដែលជាអ្វីមិនត្រឹមតែប្រជាជនយើងចង់បានប៉ុណ្ណោះទេ ប៉ុន្តែពិភពលោកទាំងមូលក៏ចង់ឃើញផងដែរ ដូចដែលបានស្តែងចេញតាមរយៈការសម្តែងការអបអរសាទរ និងការគាំទ្រចំពោះកិច្ចព្រមព្រៀងបទឈប់បាញ់ និងលទ្ធផលជាវិជ្ជមាននៃកិច្ចប្រជុំវិសាមញ្ញគណៈកម្មាធិការព្រំដែនទូទៅ កម្ពុជា-ថៃជាដើម៕

ប្រធាន​ស្ថានីយ៍​ជញ្ជីង​និងអនុប្រធានថ្លឹង​រថយន្ត​ផ្លូវជាតិ​លេលេខ៤នៅ​ចចំណុចភូមិ ពើក ស្រុក​អង្គស្នួល ខេត្ត​កណ្តាលគាបយកលុយពីក្រុមឈ្មួញដឹកជញ្ជូនរថយន្តទាំងតូចទាំងធំ

កណ្តាល ÷ តាម​ការ​បង្ហើប​ពី​មន្ត្រី​នៅ​ក្នុង​មន្ទីរ​សាធារណការ​និង​ដឹកជញ្ជូន​ខេត្ត​កណ្ដាល ឲ្យដឹងថា ទោះ បី​ក្រុម​ឈ្មួញ​តូច ធំ​ដឹក​ទំនិញ​បន្ទុក លើស​ទម្ងន់​ហូរហៀរ​សំពីងសំពោងក៍​ដោយ នៅតែ​អាច​ឆ្លងកាត់ស្ថា នីយ៍​ជញ្ជីង​ផ្លូវជាតិ​លេខ៤ភូមិពើក បានដែរ​ រីឯ​ប្រធាន​ជញ្ជីង​ថ្លឹង​រថយន្ត មន្ត្រី​ជញ្ជីង​និង​បក្សពួកដែលប្រចាំការនៅចំណុចភូមិ ពើកស្រុក​អង្គស្នួលខេត្តកណ្ដាលគិតតែ​ប្រយោជន៍​ផ្ទាល់ខ្លួន មិន​មាន​ការ ទប់ស្កាត់​ឡើ​យ​។​

​លោក ប៉េង ពោធិ៍​នា រដ្ឋមន្ត្រីក្រសួង​សសាធារណការនិងដឹកជញ្ជូនបាន​រក្សា​ភាព​ស្ងៀមស្ងាត់​បបើទោះបីរឿងអាស្រូវ​ពុករលួយ​ច្រើនបែប​ច្រើនយ៉ាង​របស់ លោលោ បូរី វង្សសានិត្យ ត្រូវបាន​លាតត្រដាង​ជា​បន្តបន្ទាប់​យ៉ាងណាក៏ដោយ​។​​លោក ស៊ូ ទីរ៉ូ ប្រធាន​ស្ថានីយ៍​ជញ្ជីង​និងអនុប្រធានថ្លឹង​រថយន្ត​ ផ្លូវជាតិ​លេខ ៤នៅ​ចំណុច​ភូមិពើកស្រុក​អង្គស្នួល ខេត្ត​កណ្តាល ប្រមូល​លុយ​តាមរបៀប​ពុករលួយ អាង​ខ្នងបង្អែក​គ្រា​ក់នៅ​ក្រសួង​សាធារណការ​និង​ដឹកជញ្ជូន ចាំ​ជួយ​បិទបាំង​រឿង​អាស្រូវ​។

​ថ្មី​នេះៗ​ក្រុម​ឈ្មួញ​និង​អាជីវករ​ដឹកជញ្ជូន​ទំ និញ​ឆ្លងកាត់​ស្ថានីយ៍​ជញ្ជីង​ថ្លឹង​រថយន្ត​ផ្លូវជាតិ​លលេខ៤ផ្ទុកមិន​លើស​ទម្ងន់​ឬ​លើស​ទម្ងន់​ក៍ដោយ លោក ស៊ូ ទីរ៉ូ ប្រធាន​ជញ្ជីង​និង មន្ត្រី​ស្ថានីយ៍​ថ្លឹង​រថយន្ត​ដែល​ប្រចាំការ​នៅ​ភូមិសាស្ត្រ​ភូមិពើកស្រុក​អង្គស្នួលខេត្ត​កណ្តាល ហាមាត់​សុំ​ថ្លៃ​បាយ ថ្លៃ​ទឹក​ពី​ពួក​ឈ្មួញ​ផងដែរ​។​

​ប្រភព​ស្និទ្ធ​នឹង​លោក ស៊ូ ទីរ៉ូ បានឲ្យដឹងថា បើ​គ្មាន​ការបើក​ដៃ​ពី​លលោក បូរី វង្សសានិត្យ ប្រធាន​មន្ទីរ​សាធារណការ​និង​ដឹកជញ្ជូន​ខេត្ត​កណ្ដាល​ទេនោះ គឺ​លោក ស៊ូ ទីរ៉ូ មិន​ហ៊ាន​ធ្វើ​អ្វីៗ​តាម​អំពើ​ចិត្ត​របស់​ខ្លួន​ឡើយ​។​

​ប្រភព​ពី​មន្ត្រី​នៅ​ក្នុង​មន្ទីរ​សាធារណការ​និង​ដឹកជញ្ជូន​ខេត្ត​កណ្ដាល បាន​លើកឡើង​ថា ករណី​ប្រធាន​ស្ថា នីយ៍​ជញ្ជីង​ថ្លឹង​រថយន្ត​ផផ្លូវជាតិលេខ៤ចំណុច​ភូមិពើកស្រុកកង់ស្នួលលោក ស៊ូ ទីរ៉ូ ប្រធាន​ស្ថានីយ៍​ជញ្ជីង​និងអនុប្រធានថ្លឹង​រថយន្ត​ផ្លូវជាតិ​លេលេខ៤នៅ​ចំណុច​ភូមិពើកស្រុក​អង្គស្នួល ខេត្ត​កណ្តាលក្រុម​ឈ្មួញ​ដឹកទំនិញ ឆ្លងកាត់​មក​ពី​បណ្តាល​ខេត្ត​នានា គឺ​គេច​មិន​ផុត​ពី​ការ​បង់លុយ តាម​ការកំណត់​របស់​មន្ត្រី​ជញ្ជីង បើ​មិន​ដូច្នោះ​ទេ​ទំនិញ​ដែល​ដឹក​លើស​ទម្ងន់​នោះ ត្រូវ​រើ​ចុះ​ឡើង​ជា​បន្ទាន់​។​

​រីឯ​លោក បូរី វង្សសានិត្យ បណ្ដែតបណ្ដោយ​ឲ្យ​មន្ត្រី​ក្រោម​ឱវាទ​ធ្វើ​អ្វីៗ​តាម​អំពើ​ចិត្ត​គឺ​ដោយសា​រអាង​មា ន​ខ្នងបង្អែក​ក្រាស់​នៅក្នុង​ក្រសួង​សាធារណការ និង​ដឹកជញ្ជូន ចាំ​ជួយ​ការពារ​គ្រប់​ពេលវេលា​។​

​បញ្ហា​នេះ​គឺជា​រឿង​ដែល​លោក ប៉េង ពោធិ៍​នា រដ្ឋមន្ត្រីក្រសួង​សាធារណការ​និង​ដឹកជញ្ជូន និង លោក សេង ឈួន ប្រធាន​ជញ្ជីង​ថ្លឹង​រថយន្ត​ទូទាំងប្រទេស ព្រមទាំង លោកគួច ចំរើន អភិបាលខេត្ត​កណ្តាល មិន​គូរមើល​រំលង​បណ្ដោយ​ឲ្យ​លោក ស៊ូ ទីរ៉ូ  ប្រធាន​ស្ថានីយ៍​ជញ្ជីង​ថ្លឹង​រថយន្ត​និង​បក្សពួក​មន្ត្រី​ជញ្ជីង​ប្រ ចាំការ​ផ្លូវជាតិ​លេខ​៤​ភូមិ​ភូមិពើក ស្រុកអង្គស្នួល ខេត្តកណ្ដាល ប្រែក្លាយ​ជា​ជញ្ជីង​ថ្លឹង​លុយ​តាមរបៀប​ជិះសេះ​លែង​ដៃ​។

សម្តេចតេជោ ហ៊ុន សែន បន្តដឹកនាំកិច្ចប្រជុំសមាជរដ្ឋសភានិងព្រឹទ្ធសភា ដើម្បីពិភាក្សាលើប្រធានបទស្តីពីវិស័យកសិកម្ម

នៅព្រឹកថ្ងៃទី៣ ខែមិថុនា ឆ្នាំ២០២៥ សភានៃព្រះរាជាណាចក្រកម្ពុជា មានព្រឹទ្ធសភា និងរដ្ឋសភា បានបន្តរៀបចំកិច្ចប្រជុំសមាជរដ្ឋសភានិងព្រឹទ្ធសភា ក្រោមអធិបតីភាពដ៏ខ្ពង់ខ្ពស់របស់សម្តេចមហាសេនា បតីតេជោ ហ៊ុន សែន ប្រធានព្រឹទ្ធសភា និងជាប្រធានសមាជរដ្ឋសភានិងព្រឹទ្ធសភា នៅវិមានរដ្ឋសភា ដោយមានវត្តមានសមាជិកសមាជ រដ្ឋសភានិងព្រឹទ្ធសភាចំនួន១៧៩រូប នៃចំនួនសមាជិកសមាជទាំ ងមូល។

អង្គប្រជុំបានដំណើរការដោយមានរបៀបវារៈតែមួយ គឺពិភាក្សាលើប្រធានបទទី៣ ស្តីពី វិស័យកសិកម្ម បន្ទាប់ពីបានចំណាយពេលជាង១៦ម៉ោង កាលពីថ្ងៃទី២ ខែមិថុនា ឆ្នាំ២០២៥ ក្នុងការពិភាក្សានិងអនុ ម័តលើប្រធានបទចំនួនពីរ គឺប្រធានបទស្តីពី ប្រព័ន្ធគំាពារសង្គមនិងប្រធានបទស្តីពី សេដ្ឋកិច្ចក្រៅប្រព័ន្ធ៕

នគរបាល​ឡោមព័ទ្ធ​ខុន​ដូ​មួយ​កន្លែងទាំងយប់ ឃាត់​ជន​បរទេស​ប្រុសស្រីជាង ១០០នាក់

ភ្នំពេញ ៖ ឃាត់​ខ្លួន​ជនជាតិបរទេសប្រុសស្រីជាង ១០០នាក់ ក្រោយសមត្ថកិច្ចឡោមព័ទ្ធឆ្មក់បង្រ្កាប អគារខុនដូមួយកន្លែង ដែលមានលួចលាក់បង្កប់ល្បែងអនឡាញខុសច្បាប់ ។

ប្រតិបត្តិការ​ឆ្មក់​បង្រ្កាប​នេះ​ដែរ បាន​ធ្វើ​ឡើង​កាល​ពី​វេលា​ម៉ោង ០៥ និង ៣០នាទីល្ងាចថ្ងៃទី ៣១ ខែមីនា ឆ្នាំ២០២៥ នៅចំណុចខុនដូមួយកន្លែង តាមបណ្តោយផ្លូវលេខ ៤៩៤ ក្នុងសង្កាត់ផ្សារដើមថ្កូវ ខណ្ឌ ចំការមន រាជធានីភ្នំពេញ។

តាម​ប្រភព​ព័ត៌មាន​ពី​សមត្ថកិច្ច​បាន​ឱ្យ​ដឹង​ថា កម្លាំង​បាន​បើកការ​ស្រាវ​ជ្រាវ និង​ស៊ើបមើល​ទីតាំងខុនដូនេះជាយូរខែមកហើយ ទើប​នៅ​ថ្ងៃ​នេះ​ទទួលបានបទបញ្ជាពីថ្នាក់ដឹកនាំ ឱ្យ​បញ្ចេញ​កម្លាំងទៅកាន់ទីតាំងខាងលើនេះ ឡោមព័ទ្ធបង្រ្កាប​ឱ្យខានតែបាន។ 

លុះមកដល់ថ្ងៃនេះ សមត្ថកិច្ចបានឆ្មក់បង្រ្កាបនិងឃាត់បានជនជាតិបរទេសជាង ១០០នាក់ រួមនឹងវត្ថុតាងមួយចំនួន បញ្ជូនតាមរថយន្តក្រុងទៅកាន់អគ្គស្នងការនគរជាតិ។

បច្ចុប្បន្ន ជនជាតិបរទេសប្រុសស្រីជាង១០០នាក់ ត្រូវ​បាន​សមត្ថកិច្ច​បញ្ជូន​ទៅ​កាន់អគ្គស្នងការនគរបាលជាតិ ដើម្បី​ចាត់​ការ​តាម​នីតិវិធី​ច្បាប់៕

រញ្ជួយដីនៅមីយ៉ាន់ម៉ា៖ ស្លាប់ ១៤៤នាក់ របួសជាង ៧០០នាក់

(រ៉ង់ហ្គូន)៖ គ្រោះរញ្ជួយដីដ៏ខ្លាំងមួយកម្រិត ៧,៧ រ៉ិចទ័រ បានវាយប្រហារចំកណ្តាលប្រទេសមីយ៉ាន់ម៉ា កា លពីរសៀលថ្ងៃសុក្រ បណ្តាលឲ្យមនុស្សយ៉ាងតិច ១៤៤នាក់ស្លាប់ និង ៧៣២នាក់ផ្សេងទៀតរងរបួស នេះ បើយោងតាមការប្រកាសរបស់រដ្ឋាភិបាល ដែលទីភ្នាក់ងារសារព័ត៌មានស៊ីនហួរបានដកស្រង់ផ្សាយ។

ការិយាល័យអង្កេតភូគព្ភសាស្ត្រសហរដ្ឋអាមេរិក (USGS) បានបញ្ជាក់ថា ចំណុចរំញ័រ (ចំណុចកណ្តាល) ស្ថិ តនៅភាគពាយព្យក្រុងសេកាញ៉ាំង (Sagaing) ប្រហែល ១៦គីឡូម៉ែត្រ ដោយបានកើតឡើងនៅវេលាម៉ោ ងប្រមាណ ១២:៥០នាទីរសៀល (ម៉ោងក្នុងតំបន់)។ គ្រោះមហន្តរាយនេះបានបង្កការខូចខាតយ៉ាងធ្ង ន់ធ្ងរ ជាពិសេសនៅរដ្ឋធានីណៃពិដោ និងតំបន់សេកាញ៉ាំង ដោយមានអគារជាច្រើន រួមទាំងផ្ទះសម្បែ ង មន្ទីរពេទ្យ និងសាលារៀន បានដួលរលំ។ មានសេចក្តីរាយការណ៍គួរឲ្យព្រួយបារម្ភអំពីការដួលរលំសាលារៀនមួយចំនួន ដែលអាចមានសិស្សានុសិស្សជាប់នៅខាងក្រោម។

ប្រធានក្រុមប្រឹក្សារដ្ឋ លោកឧត្តមសេនីយ៍ Min Aung Hlaing បានបញ្ជាក់ពីតួលេខបឋមនៃអ្នកស្លាប់តាមតំបន់ រួមមាន ៩៦នាក់នៅណៃពិដោ, ១៨នាក់នៅសេកាញ៉ាំង និង ៣០នាក់នៅចោកសេ (Kyaukse)។ ចំណែកអ្នករងរបួស គឺ ៤៣២នាក់នៅណៃពិដោ និង ៣០០នាក់នៅសេកាញ៉ាំង។

ក្រុមអ្នកជួយសង្គ្រោះកំពុងប្រតិបត្តិការយ៉ាងសកម្ម ខណៈអាជ្ញាធរបានព្រមានថា តួលេខអ្នកស្លាប់ និងអ្នករងរបួសអាចនឹងបន្តកើនឡើងបន្ថែមទៀត ស្របពេលដែលការវាយតម្លៃផលប៉ះពាល់ពេញ លេញកំពុងបន្ត។ រំញ័រនៃគ្រោះរញ្ជួយដីនេះ ក៏ត្រូវបានទទួលអារម្មណ៍រហូតដល់ប្រទេសជិតខាង រួមទាំងប្រទេសថៃ ដែលមានរបាយការណ៍ខូចខាតអគារមួយចំនួននៅទីក្រុងបាងកកផងដែរ៕